Class 12 physics syllabus kaise complete kare is baat ko lekar sabhi baccho ko shuru se hi man me dar rahta hai,lekin Jab bhi naya session start hota hai, main Mathangles coaching me ye hi dekhta hoon ki students ke dimaag me pehli soch ye hota hai –“Sir, itna bada syllabus kaise hoga?”
Sach bataun to Physics ka syllabus bada zaroor hai, par ashambhav bilkul nahi.
Problem syllabus me nahi hoti, problem planning aur execution me hoti hai.
Is article me main koi bookish strategy nahi bata raha.
Ye wo practical plan hai jo main real students ke sath use karta hoon, aur jo actually kaam karta hai, thik hai ab dhyan se samgho .
Class 12 Physics me students sabse zyada kahan atakte hain?
Mere experience me sabse pehli dikkat yahin se start hoti hai ki students Physics ko samajhne ki jagah ratna shuru kar dete hain.
Kuch common mistakes jo main har batch me dekhta hoon:
- Ek din me poora chapter khatam karne ki koshish
- Numericals ko last ke liye chhod dena
- Dusre students se compare karna
- YouTube se 10 alag-alag teachers dekh lena
Ek baar ek student ne mujhe bola tha:
“Sir, theory padh leta hoon par question dekhte hi blank ho jata hoon.”
Maine usse sirf itna kaha:
“Tum Physics se nahi, question se darr rahe ho.”
Jab ye darr nikal jata hai, Physics apne aap manageable lagne lagti hai.
Class 12 Physics syllabus complete karne ka mera practical weekly plan
Main hamesha bolta hoon: Consistency > Speed
Isliye main apne students ko kabhi bhi unrealistic timetable nahi deta.
Mera simple aur workable rule:
- Week me 1 chapter
- Roz 2–3 ghante Physics, bas
Ek ideal week kuch aisa dikhta hai:
- Day 1: Chapter ka overview + basic concepts
- Day 2: Theory + derivations (important wale)
- Day 3: Easy numericals
- Day 4: Moderate numericals( physcis ke sawal)
- Day 5: NCERT back questions
- Day 6: Short revision + formula list
- Day 7: Test ya self-check
Maine dekha hai ki jo student is plan ko honestly follow karta hai,
uska syllabus slowly but surely complete ho jata hai.
Numericals se darr lagta hai? Is Tarike ne mere students ki kafi help ki hai
Numericals ko lekar sabse zyada fear hota hai. Aur honestly, ye fear bina wajah ke nahi hota.
Students kya karte hain:
- Formula yaad kar liya
- Direct apply kar diya
- Answer nahi aaya →mood kharab
Main yahan ek alag approach follow karwata hoon.
Class 12 physics syllabus kaise complete kare Mera simple rule:
- Question ko shanti se padho
- Given data likho question me kya kya diya hai
- Ye samjho ki concept kaunsa hai
- Formula baad me choose karo ok
Ek student jo pehle sirf 2–3 questions solve kar pata tha,jab usne ye process follow kiya to 2 hafte me uska confidence bilkul change ho gaya.
Numericals practice ka matlab ye nahi ki 100 questions karo, matlab ye hai ki 10 questions ko sahi tareeke se samjho accha baccho.
Board exam aur competitive exam ka balance kaise banaye?
Ye confusion almost har Class 12 student ke dimaag me hota hai.
Meri personal opinion ye hai:
- Pehle Board exam ko strong banao
- Competitive preparation automatically improve hoti hai
Board ke liye:
- NCERT theory
- Derivations
- Standard numericals
Competitive ke liye:
- Same topic ka thoda advanced practice
Maine dekha hai ki jo student board syllabus ko seriously leta hai,
usko competitive ke liye zyada struggle nahi karna padta.
Isliye main hamesha kehta hoon:
👉 “Foundation strong hogi to building apne aap khadi ho jayegi.”
Revision ka sahi tareeka jo mood kam kharab karta hai
Revision ka naam sunte hi students soch lete hain ki sab kuch dobara padhna padega.
Par aisa bilkul zaroori nahi hai.
Class 12 physics syllabus kaise complete kare is par mera simple revision formula:
- Short notes
- Formula sheet
- Weak topics list
Main apne students ko bolta hoon:
- Jo aata hai usko baar-baar mat padho
- Jo weak hai us par focus karo
Ek student tha jo har revision me sirf apne weak chapters revise karta tha,
aur exam me wahi chapters uske strongest nikle.
Class 12 physics syllabus kaise complete kare : daily routine kaise banaye
Physics tab tough lagti hai jab time properly manage nahi hota.
Main suggest karta hoon:
- Ek fixed Physics slot rakho
- Roz same time par padho
- Mobile ko door rakho
Chahe aap sirf 2 ghante hi padho,
par agar wo focused 2 ghante hain,to result definitely milega thik hai baccho
Conclusion: Agar aap mere student hote to main kya bolta
Agar aap Mathangles ke student hote,
to main ek hi baat bolta:
1. Physics se ladna band karo, use samajhna shuru karo.
2. Daily thoda padho, par honestly padho.
Class 12 Physics syllabus complete karna mushkil nahi hai bas sahi direction aur thoda patience chahiye.
Agar aap aaj se ek simple plan follow kar lete ho to syllabus khatam hona sirf time ki baat hai. is blog me aap ne padha ki Class 12 physics syllabus kaise complete kare is type or bhi information ke liye annya post ko bhi padhe chalo aap log niche wali post jarur padhe jis se aapko notes banane me kafi help milegi.
Exam Preparation ke liye Notes kaise banaye ? ( easy Students ke liye Complete Guide 2026)
Updated today (07 feb 2026)
Interesting post